蕉姐日菜分享|尖沙咀「五勺」日式居酒屋

近日工作很忙到無時停，想走旅行食好西根本走不開，朋友為了解決我這美食之煩惱，帶我去尖沙咀諾士佛臺一間超高質素的居酒屋「五勺」，享受一餐High level優質日本料理。

餐廳裝修佈置好日本風，以木製傢俬為主， 在牆上貼滿有關清酒名稱， 放滿不同類別嘅青酒樽， 有如清酒博物館一樣， 非常壯觀。

先來一條剛由日本空運到港的翁姬$280，可燒或刺身食法，而我哋喜歡燒魚，因為可食到燒烤過後的魚香味。翁姬係肉質比較厚肉，魚肉滑溜，更上彈性十足。

三款刺身拼盤$260，有海膽、海蝦及吞拿魚，夠新鮮及甜美，非常高質。

吉列蠔配海膽醬$68，炸得外脆，蠔肉肥美，加上海膽醬汁酸酸甜甜，味道有驚喜，醒胃加惹味。

清酒煮蜆$78，蜆肉適中，清甜美味。

三文魚他他沙律$68，三文魚有灼了邊，增添香口感，沙律菜新鮮，很不錯。

炸芝麻雞翼$68，這個是廚師推介，真係好好食，芝麻雞翼惹味中帶辛辣，愈食愈過癮。

炸豆腐味噌燒$28，炸得不會太油膩，keep到豆腐有豆香，加上味噌調味，味道好正宗日本風味。

免治雞肉棒$38，啖啖雞肉香，正常合格的串燒小食。

黑豚腩鹽燒$36，黑豚腩有一層肥一瘦肉分明，不算太肥膩，帶微鹹，口感唔會太乾太鞋。

一口牛肉$38，牛肉腍嫩，蒜香味比較濃郁。

明太子玉子燒$46，即叫即製，熱辣辣，夠雞蛋味加上明太子帶點微辣感，都算不錯。